მილიუმები კანზე წარმოადგენს ახალშობილებსა და ჩვილ ბავშვებში ფართოდ გავრცელებულ გამონაყარს. მათი გამოვლენა უკავშირდება ეპიდერმისის ზედაპირზე კერატინით სავსე რეტენციული კისტების ფორმირებას. მილიუმები ვლინდება შუბლზე, ლოყებზე, ცხვირზე ერთეული ან მრავლობითი მოყვითალო ან თეთრი ფერის 1-2მმ ზომის პაპულებისა და ზერელე კისტების ფორმით. მილიუმები შესაძლოა აღმოცენდეს პირის ღრუშიც (,,ეპშტეინის მარგალიტები’’). ჩარევას საჭიროებს ძალიან იშვიათად შიგთავსის ელიმინაციის მიზნით.
ხათუნა კუდავა, ექიმი დერმატოლოგი, ასოცირებული პროფესორი 